Surah Al Mudassir Ayat 32 Translation Tafseer

Para 29 - تَبٰرَكَ الَّذِیْ

سورة المدثر

Audio PDF

بِسْمِ اللّٰهِ الرَّحْمٰنِ الرَّحِیْمِ

74.32-37

كَلَّا وَ الْقَمَرِۙ (32) وَ الَّیْلِ اِذْ اَدْبَرَۙ (33) وَ الصُّبْحِ اِذَاۤ اَسْفَرَۙ (34) اِنَّهَا لَاِحْدَى الْكُبَرِۙ (35) نَذِیْرًا لِّلْبَشَرِۙ (36) لِمَنْ شَآءَ مِنْكُمْ اَنْ یَّتَقَدَّمَ اَوْ یَتَاَخَّرَﭤ(37)

Kanz ul Iman Kanz ul Irfan

کنزالایمان

ہاں ہاں چاند کی قسم ۔ اور رات کی جب پیٹھ پھیرے۔ اور صبح کی جب اُجا لا ڈالے ۔ بے شک دوزخ بہت بڑی چیزوں میں کی ایک ہے۔ آدمیوں کو ڈراوا ۔ اُسے جو تم میں چاہے کہ آگے آئے یا پیچھے رہے ۔

تفسیر : ‎صراط الجنان

{اِنَّهَا لَاِحْدَى الْكُبَرِ: بیشک دوزخ بہت بڑی چیزوں میں سے ایک چیز ہے۔} اس سے پہلے اللّٰہ تعالیٰ نے چاند، رات اور صبح کی قسم ارشاد فرمائی کیونکہ ان میں اللّٰہ تعالیٰ کی قدرت کے عجائبات ظاہر ہیں ،اس کے بعد اس آیت اور اس کے بعد والی دو آیات میں ارشا دفرمایا کہ بیشک دوزخ حضرت آدم عَلَیْہِ الصَّلٰوۃُ وَالسَّلَام کے زمانے سے لے کر قیامت تک کے تمام گناہگار جنوں اور انسانوں کو عذاب دینے پر اللّٰہ تعالیٰ کے قادر ہونے پر دلالت کرنے والی بہت بڑی چیزوں میں سے ایک چیز ہے اور یہ دوزخ آدمیوں میں سے اس کوڈرانے والی ہے جو تم میں سے ایمان لا کربھلائی کی طرف یا جنت کی طرف آگے بڑھنا چاہے یا کفر اختیار کر کے جنت سے پیچھے ہٹنا چاہے اور جہنم کے عذاب میں گرفتار ہونا چاہے۔( روح البیان،المدثر،تحت الآیۃ:۳۵-۳۷، ۱۰ / ۲۳۸-۲۳۹، جلالین، المدثر، تحت الآیۃ: ۳۵-۳۷، ص۴۸۱، ملتقطاً)

اس سے معلوم ہوا کہ انسان اپنے اعمال میں مجبورِ محض نہیں بلکہ اسے ایک طرح کا اختیار حاصل ہے۔

Next Ayat Prev Ayat